Ætli HM heiti HM af því að það er HM sem styrkir mótið. Svona eins og Landsbankadeildin:-D

Gat nú ekki annað en helgið í morgun er ég heyrði viðtal einhvern Jón sem var með félag trúlausra, Siðmennt held ég það heiti (Þeir gátu náttla ekki látið það heita félag trúlausra). Þetta var víst hans aðal áhugamál, þ.a.s. trúleysi. Ekkert nema gott þegar fólk getur sameinast í einhverju áhugamáli eins þessu og hitt aðra með svipaðan áhuga á málefninu. Svo voru þeir með ráðstefnu um helgina og fengu einhvern heimsfrægan trúleysingja til að koma og tala um hvað hann væri trúlaus, trúði bara á ekki neitt sko. Mér finnst þetta vera fyndnasta félag á íslandi, tveir þumlar upp þegar svona húmoristar fá svona crazy hugmyndir eins og að stofna svona félag. Annars er ég ekki trúlaus sko.

Ég get ekki annað en öfundað fólkið sem kom í sund í dag. Helgi framundan, sól og þau voru í sundi. Ég á hinn bóginn var að vinna og mun vera að vinna um helgina við að horfa á þetta sama fólk njóta veðursins. Annars sagði Hjalti að ég væri anti-töffari, ég var náttla alveg sáttur með það, enda ekki ætlunin að vera einhver töffari út á við, en kannki ekki heldur einhver anti-töffari heldur. Ég spurði á móti hvort ég væri þá nörd, en hann svaraði því ekki. Ætli ég sé þá ekki eins og Ingi þór sem er líka, að mínu mati, anti-töffari. En það er líka einmitt það við Ingi sem gerir hann töff, antitöffið gerir mennina töff, sem gerir mig töff...

Við erum sem sagt að tala um að ég eyddi næstum 20.000 krónum í skó í gær...Tvö pör, eina hlaupaskó og svo eina svona til að vera fínn í sumar. Þetta þýðir að núna á ég um 10 pör af skóm og ætli þeir séu ekki metnir á um 80.000 krónur í það heila. En núna kaupi ég ekki fleiri skó, spara til að geta komist í bíó í vetur, sem minnir mig á að ég eyddi um 80.000 kalli í bíó á síðasta ári, sem er kannski aðeins of mikið, en þar sem ég á ekki barn, bíl né íbúð þá eru neysluvenjur mínar kannski ekki alveg í norminu.

Ég hef verið að uppgvöta Hveragerði upp á nýtt undanfarið. Alveg ótrúlegt hvað þetta er fallegur bær, mikið af trjám og alskonar skokkleiðum, svo ég tali nú ekki um landbúnaðarháskólann og svæðið þar í kring.

Ég verð að viðurkenna að mig er farið að langa til útlanda,tja bara frekar mikið. Væri til að skreppa til London í viku eða til sólarlanda í 10 daga. Hef samt rekið mig á það í fortíðnni að ég endist frekar stutt í fríum. Langar alltaf heim eftir nokkra daga í góða rúmið mitt, þar sem góða tölvan mín er. Svo eru ekki heitir pottar í útlöndum sem gerir dvölina mikið erfiðari.

Fór með Hjalta í sumarbústað um síðustu helgi. Bara við tveir...Reyndar kom Laufey í smá heimsókn. Ekkert smá næs að kúpla sig svona út og fara bara með PS2, bækur, mat og bangsa eitthvert út í buskan. Við hringdum reyndar í fólk á laugardeginum, til að fá það í partý, en það dóu allir úr hlátri í símann þegar við sögðum þeim að við værum bara tveir. Þegar ég verð eldri ætla ég að kaupa mér bústað og fara í hann um hverja helgi með stóran snakkpoka og 12 lítra af coke, já ok kannski auka sett af klósettpappír því af bituri reynslu er fátt vera en að kalla fram í bústað "Hey vill einhver koma með rúllu!"..."Þær eru bara því miður allar búnar, Magnús minn, en við eigum tómann snakkpoka". Byggt á sönnum atburðum.

Núna í spilun: Caribbean Blue by Enya

Hitti þennan gaur áðan. Hann heitir Christian von Koenigsegg og er mjög frægur hjá fólki eins og mér...

Vaktavinnu fylgir óreglulegur svefn. Eða alla vega hjá mér...Mæting til vinnu eftir 3 og hálfan tíma. En ég ætla vakna eftir 2, gerast geðveikur og fara út að hlaupa...Mamma sagði við mig áðan að núna sægji (ég hef ekki hugmynd um hvernig ég á að stafsetja þetta orð!) hún mig lítið, ég var sammála. Ef við værum gift, bæði í vaktavinnu, þá sægjumst við rétt svo á kvöldin og kannski um helgar. Ég dýrka mömmu af því hún er best, besta mamma í heimi.

Núna í spilun: Mamma Mia by AbbA

Fór á The Omen áðan með Kobba, Hjalta, Reyni, Andra og Gumma. Fannst hún ekkert sérstök, sofnaði næstum...

ohh ég er svo misskilinn vinnustaðagrínari...Setti upp skráningarblað í starfsmannaherberginu í dag þar sem starfsfólk gat skráð sig í kór Sundhallar Selfoss, fékk littlar undirtektir og varla stökk fólki á bros...Hjalti sá eini sem er kominn á blað, ásamt mér. Annars kom Sveppi og Selma í sund í gær, þó ekki saman. Shit, hlaup eftir 5 tíma og ég er ekki sofnaður...

Mánuðurinn byrjaði alveg eins og sá síðasti, fékk útborgað meira en ég gerði ráð fyrir...Núna á ég sem sagt svo mikið af peningum að ég er með sérstaka bók þar sem ég geymi peninga sem ég hef nákvæmlega ekkert við að gera. Spá að skella mér í bíó núna með Kobba að sjá eitthvað, var að koma frá Heimi, horfðum á spólu, eða satt best að segja horfði hann á spóli meðan ég svaf. Núna vantar mér bara iPod og þá er líf mitt nánast Nirvana. Tryggvi, hvernig er í Finnlandi?