Megnus

2009-01-13T16:21:00.002Z

Þá er ég kominn aftur í litlu íbúðina mína í bænum, og aldrei á ævinni hef ég haft jafn lítið í bankanum til að moða úr. En það er nú samt bara ágætis tilbreyting, því undanfarna daga hef ég lært að bjarga mér. Áður fyrr var bara hringt í 5812345 (Dominos) og málinu var bjargað, en þar sem ég hef ekki efni á að kaupa mér inneign, hvað þá pizzu, snúa málin öðruvísi. Ég er byrjaður að leita að uppskriftum á netinu, og er orðinn snillingur í að búa til hafragraut. Er alveg hættur að búa til þennan venjulega velling sem allir þekkja, ég blanda minn með allskonar bragðbætandi efnum, og ávöxtum. Sem gerir grautinn að mestu veislu. Þetta er nauðsinlegt því ég á ekki fyrir salti í grautinn (bókstaflega), kláraði peningana mína í gær í búðinni, og sleppti því að kaupa salt til að eiga fyrir öðru. En ég hef sjaldan verið jafn jákvæður, er bara í áhugaverðum námskeiðum í skólanum, er byrjaður að hlaupa aftur, og ætla halda því áfram í þetta skiptið. Er loksins búinn að átta mig á því að því frjálsari sem maður er, því betur líður manni, og maður er frjálsastur í lífinu þegar maður er í skóla. Gæti ekki verið ánægðari.

2008-12-07T09:02:00.003Z

mmm fékk mér jólabuxur. Fór með Hjalta til húrígúrí til tuska (álnavörubúðina) og fann þar þessar yndislegu rauðu sweatpants. Það er eins og þær séu hannaðar sérstaklega fyrir mig. Þær eru mjög víðar og þægilegar, og líka með teygju um mittið, þannig að maður svífur um húsið í draumi þegar maður er í þeim. Mundi samt aldrei láta sjá mig úti í bæ í þeim, en hérna heima verður þetta bara standartinn sko.

2008-12-06T09:10:00.002Z

Klukkan er að ganga 10 og ég er vaknaður, á selfossi. Prófin byrjuð, en ég er ekki búinn að vera mikið við bækurnar. Þetta bjargast samt allt, eins og alltaf. Fer í auðvelt próf á mánudag, svo þyngist það aðeins. Það verður gaman í des, því það eru allir að koma heim úr námi frá útlöndum, loksins nú bara. Það er farið að vera aðeins of óþægilegt að vera einn alla virka daga í bænum, þannig að fá félagsskap í des verður alveg frábært (þótt Hjalti og Tvíburarnir séu frábærir um helgar). Ég er farinn að taka eftir því hvað allt er byrjað að hækka í verði, fer varla út í búð án þess að kaupa fyrir 2000 kall, sem stundum dugar mér ekki í nema 1 dag. Og þá borða ég ekkert sérstaklega mikið. Kannski er ég of pjattaður, eins og að vilja graflax, og sódavatn. Vill heldur ekki neitt sem heitir Euroshopper. Kannski þarf að fara verða breyting þar á. Svo hefur leigan hækkað í 57 þús, sem er of mikið fyrir svona littla íbúð. Það er varla að peningarnir dugi mér út mánuðinn. En það er holt fyrir mann að láta sig vanta hluti, ég er svo vanur því að eiga peninga, og kaupa mér það sem ég vil, þegar ég vil fá það. (3 utanlandsferðir á 4 síðustu mánuðum)
Svo er ég að vinna í því að komast í skiptinám til danmerkur, en það er hægara sagt en gert. Flestir áfangar kenndir á dönsku, en ætli maður taki ekki bara Þá áfanga sem kenndir eru á ensku, þótt maður fái þá ekki mettna hérna heima. Maður er nú í námi til að mennta sig, en ekki til að fá háskólagráðu. En það þýðir að ég geti væntanlega ekki klárað úti, yrði að koma heim og klára, sem er líka fínnt.

Annars datt ég niður á ljóð eftir Stein Steinar, og fór eftir það að lesa fleiri ljóð eftir hann, get ekki sagt annað en að gaurinn sé snillingur! Aldrei hélt ég að það væri hægt að lesa sér ljóð til skemmtunar.

2008-11-25T23:38:00.002Z

Var að átta mig á því að auðvitað má þvo hnetur. Er yfirleitt með hnetur upp í skáp, og borða þær yfirleitt þangað til ég ég fæ ógeð af saltinu, en núna í kvöld tók ég mig til og þvoði af þeim saltið, og þær bragðast mikið betur.
Prófin eru að byrja, ætli ég læri ekki á selfossi fyrir þau, þarf að læra meira núna en áður, þar sem ég hef t.d. ekki opnað efnafræðibókina ennþá. Hef bara verið svo upptekin við samfeldraraflfræðina, og greiningu IIIB. Klára svo prófin 19. des, eins og í fyrra að ég held. Hvað langar mig í jólgjöf? Aldrei þessu vant langar langar mér ekki í neitt, alveg ótrúlegt, ekkert sem þú gætir komið með sem mig langaði í, ekki allir peningar í heiminum, ekki neitt. Langar bara að eiga róleg jól á Selfossi, fara í sund á hverjum degi, og horfa á góðar kvikmyndir.

Útrásarsaga

2008-11-12T12:54:00.000Z

2008-11-11T03:44:00.005Z

Ég var að uppgvöta Mammút í Kastljósinu áðan. Afhverju var enginn búinn að láta mig vita af þessari hlómsveit???
Hún er alveg að gera sig, var að kaupa Karkari plötuna þeirra, núna í þessu á iTunes Store, og er alveg stór hrifinn.
Einmitt það sem mig vantaði á iPodinn!

2008-11-06T00:52:00.002Z

OKOKOK, ég hef ekki verið sá allra aktívasti, en núna tek ég mig á, trúið því:-D

Hvað er ég að gera???
Jú, ég er ennþá í HÍ að læra verkfræði, það gengur bara vel, maður er alveg að ná prófunum. Er kominn á Skerjagarð, með smá íbúð, þar sem ég bý einsamall. Mjög skrýtið að búa bara einn, koma heim til sín og það eina sem tekur á móti manni er uppvaskið frá því í gær. Þótt ég þurfi ekki að vaska mikið upp þar sem ég borða aðalega skyr.is, gulrætur og safa, svo kemur ein og ein pizza inn á milli. Ég er núna búinn að safna skyr.is dósum í 2 vikur, og so far samanstendur safnið af 44 dósum!
Fór að synda í kvöld til að skera aðeins af bumbuni, fór í vesturbæjarlaugina, og varð fyrir smá vonbrigðum. Sturtan (það var bara ein sturta í útiklefanum) virkaði ekki, svo þegar útí var komið var laugin frekar heit. Hélt það væri betra að hafa laugar kaldar, svona til að fólk liði vel þegar það væri að synda, en ég gat ómögulega synd í þessum hita. Ætla samt ekkert að gefast upp á þessari laug sko, fer aftur á morgun og vona það besta.
Svo er ég í vandræðum með innkaup. Ég er nebbla ekki með pott, né pönnu. Þannig að allt sem ég kaupi, þarf ég að geta borðað hrátt, eða hitað í örbylgju. Einnig get ég ekki blandað saman hlutum því ég á bara glös og diska, þannig að innkaup síðustu vikna hafa verið soldið lituð af þessum takmörkum (skyr.is hér að ofan t.d.). Einnig er ég bara með eitt handklæði sem ég nota í allt, sem gerir það að verkum að ég tek það stundum með mér í sturtuna og við þvoum hvort öðru:-D læt það svo á ofn á eftir, og viti menn, það er orðið hreynt daginn eftir!!!

ÉG ER LIFANDI.

2008-08-18T23:37:00.002Z

jamm, ég er ekki búinn að skoða, né hugsa um þessa síðu lungað úr sumrinu. Bara haft svo mikið á minni könnu til að huga að. Vinnan mín tekur náttla mikið af mínum tíma, og hin vinnan tók það sem varð afgangs, þannig það var kærkomið að fá síðustu helgi fría. Einbeitti mér að því að gera ekki neitt, þótt ég hafi nú skroppið á danska daga á Stykkishólmi á laugardagskvöldið. Fyndið samt að kalla þetta danska daga, þar sem það var ekkert danskt við þá, hefði alveg verið hægt að kalla þetta Úganska daga. Tók svo sunnudaginn í slökun upp í sófa, fór einnig í hjólatúr með nýja Coldplay diskinn, það var alveg æði.
Fór svo út í nóatún áðan, og var þar alveg í klukkutíma að skoða allar vörurnar, endaði á því að kaupa svona kökumix (sem ég bakaði og kom með til mömmu færandi hendi).

2008-05-13T17:02:00.002Z

Vá, ég er að blogga í vinnuni. Ég var að fá út úr næsta prófi, eðlisfræði 2, og auðvitað náði ég, þó ekki með nema 6, en ég er mega súper sáttur við það, enda ömurlega leyðinlegasti áfangi sem ég hef farið í. Já og vinnan mín er frábær, allir voða skemmtilegir, og svo er ég með mitt eigið skrifborð, síma, tölvu og allt! Er búinn að vera mæla í allann dag, og er alveg dauð þreyttur eftir að hafa verið að ganga upp alla Þjórsá (í stígvélum dauðans, þau soga nánast til sín vatn og steina). Það er greinilegt að maður er ekki velkominn þarna, því bændurnir öskruðu á okkur um að drulla sér út af landinu þeirra, sem við gerðum pent. Á morgun fer ég svo á eitthvað námskeið í bænum, um hvað veit ég ekki. Þangað til seinna.

2008-05-12T23:34:00.003Z

Sumarið er formlega byrjað, og ég er að dýrka það.
Ég kláraði prófin síðasta föstudag, búinn að fá úr einu prófi (stærðfræðigreiningu 2) og kallinn náði auðvitað með ágætis einkun. Byrjaði svo aftur að hlaupa í gær, en tek þessu nú samt frekar rólega til að byrja með, enda í ömurlegu formi eftir veturinn, þar sem ég hreyfði mig ekki neitt. En gott að vera alla vega byrjaður. Ég get ekki sagt annað en ég sé mjööög spenndur fyrir þessu sumri, sérstaklega út af nýju fínu vinnuni, en ég er einmitt að fara þar morgun. Ég á víst að mæta í pollagalla, og verð ég sendur í einhverjar mælingar á morgun, hvernig mælingar það eru, hef ég ekki hugmynd um (kem því hingað inn hérna á morgun). Planið er að vera í hörkuformi í enda ágúst, því þá langar mig að fara á sólarstönd, þótt ég sé ekki búinn að panta eða neitt.

2008-04-30T01:31:00.002Z

Þá byrjar sá tími ársins þegar blóðþrýstíngur minn er í hærri kantinum. Ég fór sem sagt í fyrsta prófið í dag, Stærðfræðigreining 2B. Ég var skítsæmilega undirbúinn undir prófið, og gekk mér alveg ok með það. Var að skoða lausnina áðan, og mér sýnist ég alveg hafa náð. Næst er það svo Líkindi og Tölfræði á laugardaginn, sem verður gagnapróf. Það þýðir í raun bara það að ég verð með alltof mikið af efni með mér í prófinu, og finn svo ekki hluti sem ég þarf að nota, eins og gerðist í greiningu burðar fyrir ári, þá kom ég með heila skólatösku af blöðum og bókum um efnið, og notaði ekkert af því af því ég bara fann ekki neitt.
Kom við hjá Heimi á leið minni heim og sofnaði í sófanum hjá honum í 2 tíma, nánast án þess að taka eftir því, svo gaf rútubílstjórinn mér farið heim, af ástæðum mér óþekktum.

2008-04-12T10:28:00.002Z

Jemin. Ég kom sem sagt heim í gær fyrir goðvild Hjalta, sem ferjaði mig yfir heiðina. Þegar heim var komið, kom yfir mig þessi rosalega syfja, þannig ég fór inn á skrifstofuna hennar mömmu, og lagðist á sófann, breiddi teppið yfir mig og bað heimilisfólkið að vekja mig þegar kvöldmaturin yrði settur á borð. Nokkru síðar vaknaði ég, fór fram og sá á að klukkan var að skrýða í átta. Ég fór auðvitað inn í eldhus, en þar var enginn matur, og í raunar ekki neitt nema uppvaskið. Þá áttaði ég mig á því að klukkan var ekki 8, heldur 8. Ég hafði "lagt" mig í 13 tíma. Heimilsfólkið lá sem sagt uppi sofandi, og gerir það enn, á meðan ég sit og horfi á fréttirnar frá gærdeiginum á ruv.is og blogga.

2008-04-11T12:12:00.002Z

Þá er ég búinn að skrifa undir hjá Hönnun (eða Mannvit, þeir voru að breyta nafninu í dag), og gæti ég ekki verið sáttari við dílinn sem ég fékk, bæði hvað varðar laun og vinnutíma, sérstaklega þegar maður horfir til þess að ég kann ekki neitt. Ef ég þekki mig rétt þá á ég eftir að vinna þarna næstu árin, jafnvel næstu áratugina. Hér með er ég sértækur sjálfskipaður talsmaður Mannvits. Þeir eru bestir.
Prófin eru samt óhuggnalega nærri. Frekar mikið stress þar í gangi, sérstaklega eðlisfræðin, sem verður pain. En þetta hefur nú alltaf gengið hingað til þannig maður verður að vera bjartsýnn.
Svo ætla ég að flytja heim á selfoss 1 júní, þannig ef þig vantar eitthvað af þessum hlutum þá máttu endilega kaupa þá af mér:

Tvíbreitt rúm - 20.000 (þægilegasta rúm sem ég hef sofið í, kostaði shit loads)
ísskápur - 5000 (hann er alveg 160 cm að hæð, alveg risa og virkar vel)
Stórbókahilla - 4000 (þessi er góð og líka flott, keypt í IKEA á 15.000 fyrir ári)
4 Stólar - 250 sykkið
Hægindastóll - 1000 (samt ekkert lazyboy sko, en virkar þó)
leður hægindastóll - 2500 (samt ekki ekta leður)
Skrifborð - 2000 (ársgamalt IKEA skrifborð)
Sjónvarp - 5000 (örugglega 24 tommur)

Hafið samband með því að kommenta, eða senda mér mail á mmk1(@)hi.is

2008-03-30T23:25:00.000Z

Ég hef verið að velta fyrir mér verslaunarferðum mínum undanfarna daga. Það hefur komið mér mikið á óvart, hver oft ég fer út í búð til að kaupa í matinn, alveg einusinni á dag. Mér skilst það sé óeðlilegt, og að fólk kaupi almennt frekar mikið í einu, og borði það hægt og rólega yfir vikuna. En þar sem ég er bara með tvær hendur, og nenni ekki að burðast með mikið heim úr búðinni, fer ég frekar á hverjum degi, og kaupi í staðinn bara lítið í einu. Í dag fór ég t.d og keypti ost, bara ost. í gær var það reyndar skinka, gúrka, tónmatar og mjólk, enda var laugardagur. Einnig finnst mér gaman að geta "átt það eftir" að fara út í búð, þegar ég kem heim úr skólanum, því mér finnst gaman að rolta rólega þangað, kannski með iPod í eyrunum, eða eitthvað skemmtilegt um að hugsa.

2008-03-21T19:18:00.003Z

Það er ekki oft sem maður dettur í lukkupottinn, en það er nú einmitt það sem ég gerði núna áðan. Ég er sem sagt í tölvunni hans Kobba, (hann er sofandi uppi), í einfeldni minni fer ég að leika mér í Photo Booth forritinu, taka asnalegar myndir af sjálfum mér og svona, eins og maður geriri þegar manni leiðist. Tek ég ekki eftir að hann hefur verið að taka upp myndbönd með þessu forriti af sjálfum sér, sum bara ósköp saklaus, en önnur þar sem hann er að gjörsamlega gefa sig myndavélinni. Ég veit ekki alveg hvort ég ætti að gera þetta, en hann vonandi fyrirgefur mér einhverntíman. Hérna eru tvö af þessum myndböndum:

Can´t walk away, þarna gerir hann lagið algjörlega að sínu...

Takið hérna sérstaklega eftir þegar hann tekur trommusólóið, þó það séu í raun ekki ein tromma í laginu.

2008-03-21T17:51:00.001Z

Þetta er það fyndnasta sem ég hef séð.

2008-03-18T11:59:00.002Z

Páskafríið byrjar eftir 120 mín. Þarf bara að sitja í gegnum einn fyrirlestur, og þá er ég frjáls! Mætti í morgun í fyrirlestur í eðlisfræði II, ásamt nokkrum hræðum, ætli það hafi ekki mætt svona 15 af þeim 200 sem eru skráðir í námskeiðið, sem er ekkert skrýtið þar sem ég hef ekki skilið eitt orð af því sem maðurinn hefur verið að segja í allann vetur, þótt ég geti lesið bókina og reiknað dæmi. Það er bara eitthvað við hvernig hann setur þetta fram, að maður nær ekki að fylgja honum nema í nokkrar mínútur í einu. Held að hann sé dæmi um ofgáfaða manneskju. Planið í páskafríinu er einmitt að læra í eðlisfræði, lesa helst 10 kafla, eða rúmlega einn kafla á dag. Ég er svona temmilega bjartsýnn á að það takist, enda hef ég í gegnum tíðina alltaf haft þvílík lærdómsplön um páskanna, sem síðan nást ekki alltaf.
Svo var ég í prófi í stærðfræðigreiningu II í gær, það gekk mjög vel, enda var prófið létt og skemmtilegt.

P.s
Rak augun í það á mbl.is að Osló er dýrasta ferðamannaborgin, en hún hefur einmitt verið sú borg sem mig hefur næst síst langað til að heimsækja, á eftir Baghdad. Þar með náði hún líklega markmiðu sínu, og komst fram úr Baghdad á mínum fræga lista. Til hamingju Osló.

2008-03-01T00:45:00.002Z

Það gerist ekki oft, en þó stöku sinnum að maður fer í bíó, og fær gjörsamlega allt fyrir peninginn. Áðan lét ég gamlan draum rætast og skellti mér á nýju RAMBÓ myndina í bíó, og guð minn góður hvað hún var geðveikislega góð. Ég hló mig mátlausan af þeim senum þar sem RAMBÓ talaði (vegna þess hve þær voru hræðilega leiknar), en þar sem hann lét kúlurnar tala, fengu hjartsláttinn til að fara af stað. Framleiðendur myndarinnar hafa greinilega gert sér grein fyrir eftir hverju fólk (þá meina ég karlmenn á aldrinum 16-67 ára) eru að leita með að fara á RAMBÓ, vonlænerarnir sem Stalone lét út úr sér meðan hann brytjaði niður heilu herfylkin, voru óborganlegir. Núna er bara að vona það komi númer 5.

2008-02-25T02:48:00.002Z

Nýji flotti bolurinn minn, og ég.

2008-02-21T08:08:00.002Z

OK ég verð bara að bæta inn pósti sko. Ég vil bara að það komi fram að Hive er ömurlegt fyrirtæki. Sorglegt líka að samkeppnisaðilinn vodafone er að græða mest á viðskiptum mínum við Hive, því ég er að borga meira í símakostnað við að hringja í hive, í hverjum mánuði, heldur en þeir rukka mig fyrir internet. Næsti vetur verð ég hjá Símanum.

2008-02-21T07:48:00.002Z

Alltaf gaman þegar maður uppgvötar nýja hljómsveit. Fann t.d þetta lag með New Order, og mörg önnur. Þessi hlómsveit verður líklega spiluð í iPodnum næstu vikuna. Fór í viðtalið í gær, og mér fannst það ganga bara vel. Ég lagði alla vega ekki mikið til málanna í viðtalinu sjálfu, gaurinn (sem var mjög hress og fyndinn) var aðalega að segja mér frá hvað fyrirtækið væri magnað og frábært, og hvað þeir væri stórir og alþjóðlegir og bestir og og og og. Hann talaði svo mikið um ágæti fyrirtækisins og það ullu upp úr honum svo margar tölur og staðreyndir að ég var á tímabili farinn að halda það væri svo próf í enda viðtalsins. En það varð ekki. Ég fæ líklega vinnuna, eða já ég fæ hana. Hann sagði það í raun bara við mig í viðtalinu, að þetta væri meira formið heldur en hitt. Þannig það lítur út fyrir að ég verði gaurinn sem stendur einhverstaðar út í móa með stöng að mæla í pollagalla í öllum veðrum í sumar. Ég vona næsta sumar verði rigningarsumar, því ég elska rigningu. Svo verð ég líka að vinna á AudoCad forritið, sem þýðir að ég verð að fara rifja upp gamla takta (þegr ég meina gamla þá meina ég 12 mánaða). Svo er ég í því núna að sækja um í DTU næsta vetur, finnst ég þurfa að eins að komast út til danmerkur, og njóta mín. Þótt HÍ sé fínn sko.

2008-02-18T17:44:00.002Z

Ég er farinn að leggja það í vana minn að spila tónlist í íbúðinni þegar ég vakna, þar sem ég er búinn að vakna einn hérna undanfarna daga. Það er í raun bara eitt lag sem ég spila nokkrum sinnum mjög hátt í gegn, meðan ég er í sturtu, og að gera mig ready fyrir daginn. Örugglega hið fullkomna morgunlag.

Þvílíkur flutningur, þvílíkur söngur!

2008-02-16T01:13:00.003Z

Planið er að hanga í bænum um helgina, upp á þjóðarbókhlöðu nánartiltekið, og læra. Ég hef ekki alveg verið sá duglegasti síðustu daga, og þarf þess vegna að herða róðurinn. Gerði eðlisfræðitilraun í morgun, og fékk til baka vinnubók fyrir síðustu tilraun. Vinnubókin tók ekki nema um 24 tíma að klára (þó ekki í einum rykk) , enda fenguð við A fyrir hana. Þessi blessaða vinnubók er þar með það eina sem ég í raun gerði í síðustu viku. Svo er ég að fara í mitt fyrsta atvinnuviðtal eftir helgi. Það var hringt í mig áðan og beiðinn um að koma. Fór svo á spurði Google um gaurinn sem tekur við mig viðtalið, og þetta er víst einhver sálfræðingur. Ég hef ekki hugmynd um hvað ég verð spurður, en mér verður örugglega sýndar svona klessumyndir, sem ég á að segja hvað þær minna mig á, á meðan hann fylgst með heilalínuriti.

Svo er ég kominn með nýjan ipod (sjá mynd), hann er geggjaður, alveg!

Bíddu, er ekki í lagi með fólk?

2008-02-13T22:33:00.004Z

Jahérna. Ég fékk email þar sem mér var boðið að ganga í félagskap fólks, sem að einhverjum sökum, er á móti veru fólks að pólskuþjóðerni hér á landi. Ég leit nú á þennan póst eins og hvern annan fjöldaútsendan póst og var hann farinn úr innboxi mínu ásamt 10 öðrum skeitum um pillur og lyf sem lækna kvilla hjá karlmönnum, og bréfum frá prinssessum út í heimi sem þurfa aðstoð mína með að leysa út milljóna arf. Ég skil bara ekki hvernig fólk nennir að eyða orku sinni í svona hluti, hvar finnur fólk sér tíma til að fara á netið og stofna eitthvað félag gegn hópi fólks sem hefur ekki gert þeim neitt, og er ólíklegra til að bróta lög heldur en við innfæddu. Jahérna, ég veit ekki betur en besti kennari Fjölbrautaskóla Suðurlands sé pólsk, eigum við að hrekja hana úr landi? Ég dreif mig strax og gekk í "Félag gegn Félagi gegn Pólverjum á íslandi" sem er á Facebook, en vildi nú samt að nafninu yrði breytt í "Félag með Pólverjum á íslandi" þar sem það hljómar jákvæðar, og er í anda Móður Teresu sem sagði "Ég mun aldrei ganga gegn stríði, heldur með friði"

2008-02-11T10:04:00.000Z

Ég er farinn að taka eftir því, þegar ég tek strætó á morgnanna, er alltaf hópur af krökkum sem fer út við landsspítalann. Þau arka út úr vagninum, og fara beinustu leið í átt að spítalanum, eins og þau séu þar í fullu starfi. Ekki get ég ýmindað mér að þau séu í skóla rétt hjá spítalanum, né þau séu að vinna á göngum hans. Spúkí mar. Annars svaf ég ekki neitt í nótt, tók þá ákvörðum að snúa sólarhringnum á réttan kjöl með því að sleppa sofa í nótt, og fara bara snemma sofa í kvöld. Svaf reyndar værum svefni í líkindafræði, en náði þó að heyra skemmtilega gátu sem tölfræðingar hafa verið að klóra sér í hausnum yfir, í áraraðir. Sjáum hvort einhver ykkar getur komið með lausn.

í sjónvarpsþætti einum eru þrjár dyr upp á sviði. Bak við eina dyrina er bíll, ekkert bak við hinar. Keppandi er kallaður til og fær hann að velja sér eina hurð til að opna, ef það er bíll bak við hana, fær hann að eiga hann. Núna velur keppandin sér hurð, en opnar hana ekki. Núna kemur þáttarstjórnandin á svið og opnar eina af hinum hurðunum tveim og sýnir keppandanum að þar inni sé ekki bíll. Hvað á keppandinn að gera? Halda sig við hurðina, eða velja þá sem aldrei hefur verið valin? Og afhverju á hann að gera það?

Kennarinn sagði okkur að þessa þraut hafi margir snjallir stærðfræðingar glímt við, en ekki tekist að leysa rétt. Friðfinnur bróðir gat þó leyst þetta á snjallann hátt, þó ekki ég.

Hef verið að reyna redda mér vinnu fyrir sumarið, og þó nokkrir hafa sýnt áhuga, og jafnvel hringt í mig, til að mæla mig út. En hef ekki fengið nein skýr svör ennþá. Svooo er ég farinn að spila wow aftur, sem ég ætti auðvitað ekki að gera. En maður læðist í hann við og við.

2008-02-08T05:17:00.000Z

Ég hef verið að pæla í því undanfarna daga, hvað heilinn í mér er búinn að breytast mikið undan farið ár, þ.e. eftir að ég byrjaði í verkfræðinni. Fyrir ári hefði ég aldrei getað leyst dæmið hér að ofan, en í fyrra dag, settist ég niður, las mig til í 10 mín, og skrifaði einmitt lausnina hér að ofan niður á blað og skilaði eins og ekkert væri einfaldara. Ég er farinn að geta lesið þunga enska fræðitexta, og skilið betur en íslenska. Hugsa stundum frekar á ensku, og í raun nota ég bara íslenskuna þegar ég er að tala við annað fólk, svo auðvitað líka hér. Ég skila stundum dæmum þar sem ég útskýri á ensku hvað ég var að gera...því ég kann ekki að útskýra það á íslensku. Ég hlusta mikið á ensk podköst á netinu, sem og enskt útvarp, 99% af þeirri tónlist sem ég hlusta á er ensk, og allar bækur sem ég les eru á ensku. Það má því í raun segja að ég lifi á ensku, og væri það ekki mikil tilbreyting fyrir mig ef þið hin munduð bara byrja ávarpa mig á ensku.

2008-01-16T10:26:00.000Z

Ég í nýja úber-kúla-makka-tölvuverinu á háskólatorginu

2008-01-12T03:41:00.000Z

Loksins fékk ég þessar blessuðu einkunnir, maður var bara farinn að halda eitthvað væri í gangi hjá sumum kennurum. En úrslitin voru öll mjög jákvæð, náði öllu. Vil samt ekki fara í einstakar einkunnir, en get þó sagt að meðaltalið var 7. Sérstaklega ánæður með stærðfræðigreininguna, þar sem ég var með þeim hærri:-D Meðaleinkuninn þar var 4.77 og 30% þeirra sem voru upphaflega skráðir í námskeiðið, náðu prófinu. Jarðfræðin gekk ekki eins vel, ég var aðeins undir meðaltalinu þar, en ég las líka ekki orð í bókinni allann veturinn. Fékk samt góða einkunn fyrir ritgerðina mína (Jarðvarmi - Hagnýting og Gleði). Hin fögin gengu svo bara ok, og hef ég ekkert meira um þau að segja. Núna er það bara að tækla önnina, eins og þá fyrri. Ég tek samt bara 10 einingar vegna þess að ég byrjaði ekki á haustönn, þannig ég hef tíma til að byrja hreyfa mig aftur eftir langt hlé. Var að spá í að kaupa mér líkamsræktarkort, en þau eru bara svo dýr. Ætli maður hlaupi ekki bara, og syndi.

Takk fyrir árið, og sjáumst á því næsta.

2007-12-31T19:56:00.001Z

Ég í áramótagallanum mínum.
Viðburðaríkt ár að kveðja. Verkfræðin, búa í bænum, Róm, búa aftur í bænum, prófin eru svona það helsta sem gerðist. Held að næsta ár verði bara enn betra:-D

2007-12-31T01:57:00.000Z

Það er ekki hægt að segja annað en ég hafi verið að vinna undanfarið. Helgin fór í vinnu, eða raun hangs. En það er það sem ég vinn við þegar ég er ekki í skóla, hangsa á vinnustaðnum í keppni við annað starfsfólk um hver nær að geyspa sem oftast. Ég er bara að verða geðveikur á því að gera ekki neitt í vinnuni, og svo er lýsingin hræðileg, og innréttingarnar ljótar. Enda tók ég mig til áður en ég labbaði heim eftir vinnu og strokaði yfir nafnið mitt á vaktaplaninu, sem og þær vaktir sem ég "tók að mér" að vinna fram til 7. Janúar. Ekki búinn að fá út úr einu einasta prófi, en ég er nú samt bara semi jákvæður fyrir þessu öllu saman. Á ekki von á öðru en að ná öllu, þótt slysin gerist. Annars óska ég öllum bara góðra áramóta:-D

2007-12-19T01:51:00.000Z

Jemin eini. Ég var að sörfa youtube, og kom niður á tónlistarmyndband með Spice Girls. 30 sek inn í lagið áttaði ég mig á því að ég kunni textan upp á 10. Þetta leiddi til þess að ég fór að skoða fleiri myndbönd með stelpunum, og eins og ég óttaðist kunni ég alla texta og melódíur betur en þær sjálfar. Það er greinilegt að ég hlustaði aðeins meira á þessa hlómsveit á mínum yngri árum en ég gerði mér grein fyrir. Þarf að endurnýja kynnin í jólafríinu

2007-12-18T18:39:00.000Z

Ég legg það nú ekki í vana minn að hlusta á svona tegund tónlistar, en það er samt bara eitthvað við þetta lag sem ég dýrka.

2007-12-14T16:44:00.001Z

Charles Chaplin og Jackie Coogan í hlutverkum

Flækingsins og stráksins í The Kid frá 1921

Eðlisfræðin gekk vel. Núna er það bara jarðfræðin á þriðjudag. Byrja að læra fyrir hana á morgun eða hinn, er ekki mikið að stressa mig yfir henni, rétt eins og tölvunarfræðinni, hún verður easy. Er farinn að sofna klukkan 11 á kvöldin og vakna milli 7 og 8, vona það endist eitthvað af því það er svo þægilegt að dúlla sér á morgnanna meðan það er dimmt og kallt úti. Sit núna á brókunum einum fata, fékk þá snilldar hugmynd áðan að þvo einu buxurnar sem ég kom með heim frá RVK, kunni ekki á þvottavélina, þannig ég þvoði þær í hondunum í baðkerinu, sem gekk ekki vel. Notaði annað hvort of mikla sápu, eða of littla. Það er alla vega mjög skrýtin lygt af þeim þar sem þær liggja á ofninum inn í stofu, og bókstaflega neita að þorna. Þær eru sem sagt með mjög háan eðlisvarma;-). Er farinn að huga að jólum og jólakortum, langar ekki í neitt sérstakt, nema bara gleðileg jól handa öllum og kannski nýja skó, núvernadi eru farnir að líkjast þeim sem flækingurinn er í frekar mikið.

2007-12-10T13:06:00.000Z

Stærðfræðigreiningarprófið var dauði. Fékk sjokk þegar ég las fyrst yfir það, en náði svo að krafsa aðeins í bakkann. Ætli það séu ekki svona 60% líkur að ég nái. Svo er bara að vona að prófið verði skalað til.
En næst er það eðlisfræðin, hún á eftir að ganga betur...

2007-12-10T07:27:00.001Z

OMG Stærfræðigreiningarprófið byrjar eftir 90 mín!!!
Ekkert smá mikið stress í gangi!

Að kaupa sína fyrstu íbúð? Ekki séns!

2007-12-01T04:56:00.000Z

Þeir sem hafa verið að umgangast mig undanfarið hafa kannski tekið eftir því hversu mikið íbúðarverð á íslandi fer í mínar fínustu taugar. Þar sem ég mun útskrifast eftir nokkur ár, og þá (að ég hélt) kaupa mér íbúð, fór ég að skoða verð á littum íbúðum, fyrst í RVK og svo á Selfossi. Er verið að gera grín af mér? Verðin eru ótrúleg. Það er verið að byðja mann um 20.000.000 kónur fyrir littlar blokkaríbúðir, sem varla ná 60 fermetrum. Fór og lét reikna út hvað ég gæti fengið hátt lán (ils.is), og gaf mér að þegar ég útskrifast eftir 2 til 3 ár, verði ég með 350.000 krónur á mánuði. Samkvæmt þeim útreikningum hef ég ekki efni á að kaupa mér íbúð nema eiga miljónir inn á banka, sem ég á ekki og mun ekki eiga eftir nokkur ár. Get samt fengið fína íbúð á ísafirði (mjög góð verðin þar, enda snjóflóðahætta, eins og ég er búinn að læra um í skólanum), en þá er allt eins hægt að flytja til Grænlands. Eftir þessa littlu óvísindalegu könnun mína er ég alveg kominn með það á hreint að ég flyt úr landi um leið og ég er búinn með mitt nám. Danmörk hljómar vel.

2007-12-01T01:12:00.000Z

Prófatíð gengur í garð, varla hægt að hugsa sér jólin án hennar. Ég er ekki alveg byrjaður að læra á fullu undir prófin, þótt ég ætti auðvitað að vera það. Bara rétt farinn að skima yfir hvað ég kann, og hvað ég þarf að læra betur. Svo byrjar þetta á fullu í næstu viku. Er nú samt bara ágætlega jákvæður gagnvart þessu öllu saman, þó stærðfræðigreiningin eigi eftir að taka á. Bara muna að slaka á í prófinu, því ég á að kunna þetta allt saman. Er einnig farinn að huga að vinnu fyrir næsta sumar. Margt sem freistar, kannski maður sæki um hjá Ræktó (þó það þýði að ég komi heim á kvöldin dauðþreyttur). Vill helst vinna undir sól (nú eða rigningu) við framkvæmdir, samt ekki smíðar.

Á morgun ætla ég að kaupa mér nýja skó.

2007-11-19T02:28:00.000Z

Fiat 500, kemur í Janúar til landssins. Mig langar alveg rosalega í svona bíl...Kannski maður stefni á að eingast svona eftir ár eða svo. Hann er bara svo ótrúlega flottur, lítill og kostar ekki mikið.

2007-11-18T03:42:00.000Z

Jæja. Við fjölskyldan (eða alla vega þeir sem búa ekki út í buska, og þá er ég sérstaklega að tala um Kolbein og Melkorku) áttum góðan laugardag saman. Byrjuðum á að lúlla smá fram eftir, og fórum svo í heimsókn til afa og ömmu. Þau voru hress að vanda, og amma alltaf jafn heyrnalaus:-D. Síðan var farið í sund, sem var klikkað, enda laaangt síðan maður fór í sund síðast. Mér finnst ég aldrei vera orðinn almennilega hreinn fyrr en ég er búinn að fara almennilega í sund, sturta og bað eru bara plat. Eftir sundið vorum við orðinn sveitt svöng og þess vegna var farið á Ryby í boði pabba, eitthvað sem mamma og pabbi höfðu aldrei gert áður(þ.e farið á Ruby), enda voru þau alveg sjokkeruð á því hvað maturinn var góður. Ég sá reyndar ekki svipinn á þeim þegar þau borguðu reikningin, en ég geri mér í hugalund að sú gleði sem þau átti við að borða matinn hafi horfið þegar þau borguðu hann:-D. Lentum svo í blindbil á leið yfir heiðina heim, en komumst þó til skila...

En talandi um veður. Hef það á tilfinningunni að hjálparveitin á selfossi fái lítið af verkefnum sér til hæfi.
Núna er smá rok á Selfossi (tek það fram að bilurinn er bara upp á heiði), ekkert meira en allir hafa upplifað áður. Einstaka gamalmenni þyrfti kannski að halda um hatt sinn þegar gengið er um götur, en ekkert meira en það. En auðvitað er BJÖRGUNNARSVEITINN á selfossi mætt á staðinn. Þeir eru núna búnir að stilla sér upp við N1 á selfossi með um 5 eða 6 jebba, allir í rauðum samfestingum, tilbúnir fyrir hvað sem er. Svo sér maður þá keyrandi um bæinn, eins og í leit að fórnarlömbum óveðursins:-D

2007-11-17T01:27:00.000Z

Þessi mynd summerar upp vikuna hjá mér. Ný heyrnatól. Nýjar byrðir af kaffi. Kaffidrykkja og verkefna vinna langt fram eftir nóttu. Næsta vika verður léttari, þá ætla ég að byrja hlaupa aftur, enda ekki búinn að hreyfa mig frá því í sumar. Hlakka til.

2007-11-15T01:20:00.000Z

Er aðeins búinn að vera skoða Facebook dæmið. Fattaði þetta ekki í fyrstu, en núna er maður farinn að reyna fylla prófílinn sinn af vinum, eða fólki sem ég þekki, á fá vini sem nota myspace eða facebook. Sumir þarna inni eru með eitthvað um og yfir 1000 vini, það hlýtur að vera eitthvað gruggugt við það. Enda fékk ég vina invite frá einhverjum íslenskum gaur sem ég þekki ekki neitt, hann var greinilega að safna vinum í vinalistann sinn. Þannig endilega að senda á mig invite ef þú þekkir mig, hversu lítið sem það er.

P.s það er eins og allt fari fram á ensku þarna inni, jafnvel milli ízlendinga...why?

2007-11-12T02:05:00.000Z

Mér finnst eins og ég þurfi alltaf að vera í einhverjum feluleik við nágranna mína, og þá sérstaklega við þá sem búa í íbúðinni hliðina mér. Var til dæmis að hlusta á tónlist áðan, en lækkaði þar sem ég var alveg viss um að fólkið, (maðurinn, konan eða hver sem býr hliðina á mér, hef aldrei séð þau, hana eða hann) heyrði nákvæmlega hvað ég væri að hlusta á. Ég heyri alla vega þegar þau, hann, hún kveykja á sjónvarpinu eða ákveða að fá sér vatnsglas. Svo fór ég að vaska upp, en gat það varla af því ég hafði vatnið á svo littlum straum til að nágrannarnir vöknuðu ekki við gjörninginn (klukkan var hálf tvö). Þegar ég verð stór ætla ég að eiga heima í húsi þar sem teikningar að öllum veggjum voru fengnar lánaðar frá neðanjarðarbyrgi Hitlers og fjölskyldu, vil geta sungið og dansað meðan ég vaska upp og hlustað á tónlist eins hátt og mig listir...

Og talandi um lélega veggi, þegar ég skrúfa frá vatninu í íbúðinni fæ ég brúnt vatn í nokkrar sek, verður maður núna að byrja sjóða allt neysluvatn?

2007-11-06T18:50:00.000Z

Jahá sumir hafa aldeilis skoðanir, en þora samt ekki að koma fram undir nafni. Ég hlæ nú bara að svona mönnum.

2007-11-06T18:18:00.000Z

Mér var tjáð í tíma í dag, að Magnús Már Kristinsson ætti eftir að skila verkefni 3...og þess vegna félli tíminn niður þar sem kennarinn vildi gefa mér tækifæri á að skila áður en farið var yfir verkefnið. Ég í reiði minnar gleymsku krotaði lausn niður á blað og skilaði eins fljótt og ég gat, hvernig gat ég gleymt að skila?, og hvar fann kennarinn þolinmæði og góðmennsku til að leyfa mér að skila svona seint?

Núna þarf maður að fara líma saman 10 síðna ritgerð um...eitthvað jarðfræðidót. Ég á að skila á föstudaginn, en það er meira til viðmiðunnar, ætli ég liggi ekki yfir þessu um helgina, 3,33 blaðsíður á dag í 3 daga, er nú ekki svo slæmt. Annars er jólagleðin farin að banka á dyr, kom þegar ég fór með Heimi og Marie að skoða í Hagkaup (Engin okkar veit afhverju við fórum í Hagkaup) og keypti mér ylmvatn frá Kalvin Klæn. Veit samt ekki hvað mig langar í jólagjöf, kannski sjálfvirka kaffikönnu, en ég hef heyrt að svoleyðis kosti aflimun á hendi við öxl...

2007-10-30T22:00:00.000Z

Jæja, ég held að það sé bara kominn tími á blogg. Ég er náttla á fullu í skólanum, alveg 24/7, alla vega suma daga. Var að koma heim núna eftir 14 tíma törn við skýrslugerð í eðlisfræði, gæti í raun ælt yfir því hvað þetta var leiðinlegt. Búinn að taka 2 próf, og hefur gengið ágætlega í þeim báðum, verið vel yfir meðaleinkun. Svooooo er í raun ekkert að frétta, hversu sorglegt sem það er...Fór í Afmælið hennar Laufeyjar á laugardag, það var fjör, þótt ég hafi stoppað stutt við;-D. Annars er ég bara að undirbúa skýrslur, reikna dæmi eða undirbúa ritgerðir, alla daga. Líka farinn að hlakka til jólanna, fer í jólafrí 20 des, og byrja þá að vinna í sundlauginni, enda veitir ekki af peningunum...

Þangað til seinna....

2007-10-07T00:21:00.000Z

Ég og Tryggvi fórum saman í bíó, það var gaman.
Hérna sjáumst við faðmast eftir myndina, glaðir og ánægðir.
Ég vona að morgundagurinn verði jafn góður og dagurinn í dag.

2007-10-05T19:03:00.000Z

Nýja úlpan mín er svo þægileg, að ég hef ekki farið úr henni frá því ég fékk hana.

2007-09-28T17:27:00.000Z

Þannig ég fékk mér gleraugu, og þvílíkur munur! Ég var ekki viss þegar ég gekk inn í gleraugnabúðina hvað ég væri eiginlega að gera þarna, en konan vildi endilega fá að mæla mig, eða mæla augun mín. Ég hélt svo að þetta mundi taka einhverjar vikur, nei nei ég átti bara að velja mér umgjörð á staðnum, sem ég og gerði. Sagðist ekki vilja eitthvað fríkí, og þar með held ég að ég hafi móðgað gleraugakonuna, því hennar voru mjög skrýtin. Valdi einföldustu gleraugun sem ég fann, þó ekki þau ódýrustu. Ótrúlegt hvað þetta munar miklu, vissi ekki hvað ég var farinn að sjá illa. Svo eru þau líka soldið flott.

2007-09-14T08:32:00.000Z

Frábært að vakna klukkan 7, fara í sturtu og borða (þó ekki í sturtunni). Horfa síðan út um gluggan á morgunsólina, meðan maður les blaðið og gengur frá nestisbita. Hugsandi, "í dag verður gerð tilraun". 'Eg geng af stað niðurstigan með töskuna fulla af bókum, sibbinn en ánægður með að geta átt tækifæri til að gera eðlisfræðitilraunir á háskólastigi. 'Eg er meira að segja svo heppin að fá far með Friðfinni, upp í skóla. Þegar út í skóla er komið, prenta ég út upplýsingar um tilraunina, og byrja skiggnast um eftir samstarfsffélaganum, en hann er hvergi nærri, ég hugsa með mér "Ætli hann hafi ekki bara sofið yfir sig, karl ánginn sá, en ég mun ekki lasta honum það, enda kappsamur garpur hér á ferð". Loks þegar stundin rennur upp, klukkan á slaginu 08:20 geng ég inn í stofuna góðu, eðlisfræðistofuna. Finn mér gott borð og bíð góðan daginn til þeirra sem rétt hjá mér sitja. Set bækur upp á borð, ydda blýant og stilli upp blöðum. Svo kemur kennarinn, ung sænsk kona (meira babe mundi ég segja) og setur upp skrýtin svip þegar hún gengur inn, horfir soldið á mig eins og ég sé lítill hundur sem á ekki að vera baða sig í vaskinum í eldhúsinu. Mér er þá sagt að ég hefði alveg eins getað haldið áfram að sofa í morgun, ég á ekki að mæta fyrr en í næstu viku...

2007-08-28T16:04:00.000Z

Fyrsti skóladagurinn búinn á nýrri önn, og ég er strax byrjaður að búa til forrit. Kýs að kalla það Superzonic3000, en það reiknar út sveiflutíma gorms. Annars byrjar þetta frekar rólega, þetta littla forrit mitt var eina heimaverkefnið, og þar sem það er klárað get ég tekið því rólega það sem eftir er af deginum. Ef þig langar að styrka mig í vetur í formi þess að borga fyrir mig stöð 2, þá væri það mjög vel þegið. Var nebbla að átta mig á að dagskráin hjá þeim er klikk, alla vega í vetur. Sótti einnig fría strædókortið mitt áðan, þurfti að bíða í röð í sólarhring (eða að því virðist)

Raunveruleikinn tekur við

2007-08-27T15:39:00.001Z

Kominn heim úr ferð minni um landið. Fórum hringinn, fyrsta sinn hjá mér og kobba, en ekki pabba. Akureyri kom á óvart, gæti alveg hugsað mér að búa þar, og Eigilsstaður voru fallegri í dagsljósi en myrkri (síðast þegar ég kom þangað sá ég staðinn aldrei nema í myrkri), tókst samt ekki að segja hæ við laufey. Toppurinn var samt þegar við sigldum á lóninu með ísjökunum. Sáum seli og fengum að halda á ís, sem var yfir 1000 ára gamall. Mér fannst þetta svo magnað að túristarnir sem voru með mér á bátnum horfðu eitthvað einkennilega á mig. Set myndir hér inn fljótlega, því myndir segja meira en 1000 orð...Endaði svo á því að heimsækja Heimi í Þórsmörk. Það var mjög gaman, fórum í alveg klikkaðar gönguferðir, og svo var fólkið þarna líka svo skemmtilegt. En núna er raunveruleikinn tekinn við, skólinn byrjar á morgun og þá eru það bara námslán og núðlusúpa fram til áramóta. Hlakka til:-D

2007-08-20T13:53:00.000Z

Farinn í ferðalag, gleymdi símanum mínum hjá Heimi, þannig að ekki hringja í mig. Skrifa hér einn ef ég er kominn með símann aftur.

Sjáumst

2007-08-20T04:37:00.000Z

Ég veit ekki hvort myndin Next hafi komið í bíó, en eftir að hafa horft á hana geri ég ekki ráð fyrir því. Er verið að gera grín með söguþráðinn? Maður getur séð 120 sek fram í tímann, en af einhverjum sökum getur hann það bara stundum, til að hægt sé að ná honum í myndinni. CIA er á eftir honum til að láta hann spá fyrir sér um hvar kjarnorkusprengja mun springa, en hann vill ekki hjálpa þeim, af því hann vill vera frjáls. En á endanum vill hann hjálpa þeim, því hann vill líka vera góður. Eins og hann sýndi í myndinni þegar hann gaf littlum strák afmælisgjöf (???).

HA HA HA HA HA HA HA ! ! !

2007-08-16T00:42:00.001Z

Smiður smíðar hlut. Sá sem kaupir hann notar hann ekki en sá sem notar hann veit ekki af því. Hver er hluturinn ?

2007-08-14T01:01:00.000Z

Þvílíkur dagur. Kom heim frá vinnu um 3 og ákvað að leggjast aðeins upp í rúm og lesa lifandi vísindi. Vaknaði svo 7 tímum og 11 missed calls seinna, klukkan 22:00! Ég hef greinilega verið þreyttari en ég gerði mér grein fyrir. En ég var víst klukkaður af lufsunni, á að skrifa 8 staðreindir um sjálfan mig...

- Ég dýrka Abba, og skammast mín ekki fyrir það. Tímalaus tónlist.
- Dýrka langa og rólega göngutúra
- Uppáhalds útvarpsþátturinn minn er The Ricky Gervais Show á XFM í bretlandi. Er með um 100 klukkutíma af þeim í tölvunni minni
- Uppáhalds manneskjan mín er karl Pilkington, snillingur.
- Ég hef aldrei getað átt hjól lengur en 2 mánuði, þeim er alltaf stolið
- og þegar ég hugsa út í það...hef ég aldrei átt lás heldur
- Ég þarf að nota gleraugu, en hef ekki nennt ennþá að kaupa þau.
- Hef aldrei fengið sekt fyrir hraðakstur, enda keyri ég eins og kelling, og er stoltur af.

2007-08-04T04:00:00.000Z

Tók þátt í mínu fyrsta hlaupi á fimmtudaginn, ásamt kobba. Bara 5 kílómetrar. Mætti ferskur til leiks, en þó ekki í mínu besta formi. Þess vegna ákvað ég að halda mig aftast við startlínuna og vinna mig upp ef ég væri að fíla mig. Þegar var svo loks kallað á okkur að koma að byrjunarlínunni labbaði ég auðvitað aftastur og lét lítið á mér bera. Sjokkið kom svo þegar kynnirinn kallaði "og allir snúa sér svo við". Ég var fremstur, og ekki séns að troða sér aftast. Þurfti að hlauða ógeð hratt fyrstu 300-400 metrana til að vera ekki fyrir, og þar með drap ég labbirnar í síru. en náði svo að hægja á mér en það var of seint, ég var búinn á því. Endaði frekar aftarlega, en kláraði þó vel, gæti örugglega bætt tímann um 5 til 6 mín næst. Mjög gaman að hlaupa um götur í RVK í lögreglufylgd. Er að spá í að skrá mig í glitnishlaupið, og fara þá 10 Km, þarf þá að vera duglegur að hlaupa næstu tvær vikurnar.
Kominn með lykil að íbúðinni "minni", flyt inn á fimmtudaginn. Ætli maður haldi ekki innflutningspartý í september, kynni það bara hérna á síðunni seinna.

21 ár síðan ég kom

2007-07-31T02:35:00.001Z

Afmælið var það rólegasta hingað til. Var staddur upp í sumarbústað með fjölskyldunni og svaf því fram eftir, eða þangað til Mamma og Kolbeinn komu inn til mín syngjandi með KóKó Mjólk (Why?), sem þau gáfu mér í afmælisgjöf. Takk. Eða þau komu reyndar líka með ís, en Mamma borðaði hann. Takk. Fleiri voru gjafirnar ekki, og neyðist ég því til að gefa sjálfum mér eitthvað þegar ég fæ útborgað. En núna er maður orðinn fullorðinn, og kominn á þrítugsaldurinn, úff, mig svimar. Þorði ekki annað en hringja í bankann og tékka hvort ég væri ekki tryggður í bak og fyrir þegar ég verð of gamall til að vinna (sem verður eftir nokkur ár), og jú, ég er save. Með auka lífeyrissparnað, og auka þetta og auka hitt. Man nú ekki hvað ég á að eiga mikið þegar ég hætti að vinna, en það voru tugir milljóna. Trúi því nú ekki fyrr en ég sé það gerast.

P.s. Mikið er byrjað að dimma mikið úti

P.s.s.
Fyrir ykkur sem gleymduð að óska mér til hamingju þá ætla ég að framlengja frestinn fram til mánaðarmóta, en eftir það tek ég ekki lengur við hamingju óskum.

2007-07-22T02:37:00.000Z

Ég veit, þetta er frekar dautt hjá mér núna. En ég er líka alltaf að vinna. Þegar samstarfsfólk mitt fattaði að ég svara ekki neitandi við aukavinnu, fékk ég mér sérstaka viðtalstíma til að taka á móti beiðnum. Ekki búinn að fá frí eina einustu helgi í allt sumar. Kominn með íbúð í bænum, endaði á því að ég og Friðfinnur fengum saman "paríbúð". Friðfinnur hringdi sérstaklega til að tilkynna bn.is að við værum EKKI par:-). Verður spennandi að prófa sjá um sig sjálfur, eða alla vega svona út á við. Ef ég þekki ömmu og mömmu rétt þá verða þær með þjónustusamning við okkur, sem við höfum ekki beðið um, en svona er þetta alltaf með mömmur, og ömmur. Það er samt svo mikið búið að gerast sem er gleymt...uuuuuuu Mér var til dæmis tilkynnt af manni einum að hann ætlaði að kæra mig til lögreglunnar af því að hann brenndi sig á kollinum þegar hann fór undir sturtu upp í sundlaug. Ég var óvart að vinna þann daginn og er því ábyrgur fyrir öllu sem kemur fyrir þennan blessaða mann. Ekki séð neina kæru ennþá, og efa ég muni sjá kallinn aftur. Enda lét hann eins og barn. Ég bauð honum að lýta á lagnirnar sjálfur fyrst ég, og mín töfraþulubók gátum ekki lagað þær. Hann frussaði bara eitthvað á mig, og sagði mig "óhæfan til að sinna mínu starfi". Endaði með því að ég þurfti að ræsa út pípara, sem skipti öllu draslinu út... Mig langar samt bara að byrja í skólanum, nenni ekki að hanga í vinnuni allann daginn, og þar með gera ekki neitt. Sumarbústaður um næstu helgi með The Fjölskyld, það verður sko langþráð frí.

2007-06-25T23:40:00.000Z

hef verið í sumarfríi andlega, frá því ég kom frá Róm og einkennist líf mitt þar af leyðandi af andstæðum um þessar mundir. Ég svaf til 16:00 í dag, en fór út að hlaupa þegar ég vaknaði, með Gunna Gunn. Þreyf bílinn og vaskaðu upp. Þarf svo að vakna um 06:00 á morgun. Róm var flott, allt mjög gamalt, fólkið líka og stundum maturinn. Vatikanið var flottast, og söfnin sem eru þar, OG PÉTURSKIRKJAN MAR. En hitinn var yfirþyrmandi, upplifði meira segja svona kast þar sem ég bara varð að komast í smá kulda. Fer næst um vetur. Sýni kannski myndir á næstunni. Er alltaf að vinna í sundlauginni ef einhver hefur áhuga á að heimsækja mig, eins og laufabrauðið o.f.l gerðu um daginn.

2007-06-02T16:55:00.000Z

Fór með sundlauginni (starfsfólki) í vísindaferð til keflavíkur í gær, skoðuðum einhverja sundlaug, sem var ekkert sérstakt, hitti samt Hjalta smá, það var gaman. Fórum svo í bláalónið, sem var geggjað. Sá ekki neinn íslending og mun pottþétt koma þarna aftur, þótt það sé verið að nauðga manni smá, 1400 kall fyrir eitt skipti er blóðugt. Enduðum svo á að fá okkur að borða á Menam, sem er alltaf gott. Svo erum við að undirbúa okkur undir Róm, eða Kolbeinn og Pabbi eru að því, eru með fuuulllt af DVD diskum og bókum sem þeir eru að stúdera, pabbi er meira segja með disk þar sem ítalska er kennd, ætlar greinilega að læra hana á 3 dögum. Þeir ætla sko að nýta tímann til fulls. Ætli ég elti þá ekki bara þarna úti, og kinka kolli.

2007-05-30T17:28:00.000Z

Muniði þegar ég var hræddur um að falla í greiningu burðar? Ég náði, með 7. Frekar sáttur, samt ekki. Veit ég klúðraði 20% spurningu, sem ég hefði getað reiknað, fékk samt örugglega eitthvað fyrir hana. En ætli maður læri ekki bara að fara alltaf vel yfir próf áður en maður skilar þeim. 50% stóðust áfangan, meðaleinkunn 5,5. Enginn fékk 10. Þar með náði ég öllu, sem ég tók próf í. Stærðfræðigreiningin verður mössuð næsta vetur.

2007-05-26T07:14:00.000Z

Það má færa rök fyrir því að ég sé í love/hate sambandi við hárið mitt þessa dagana. Er alltaf á leiðinni í klippingu, en næ alltaf að finna mér eitthvað skemmtilegra að gera, eða þá að ég horfi í spegil og hugsi: "hey there sexy, það fer þér kannski bara vel að vera með smá lokka". 20 mín seinna fell ég á kné og ákalla almættið gráti næst, því ég þoli ekki lengur að vera með "allt þetta" hár. Ég ætlaði að klára málið á morgun, en frétti það út í bæ (án djóks) að ég ætti að vinna á morgun. Þannig lokkarnir fá að hanga, alla vega fram yfir helgi. Hver veit hvað gerist þá, skemmtilegt hvað líf mitt er mikið ævintýri.

2007-05-16T05:17:00.000Z

Nohh þá eru bara komnar tvær einkannir í hús. Fékk 8 (eða 8.2) í tölvuteikningu. Grín áfangi og í raun má segja að ef maður fær ekki 10 reyndi maður ekkert á sig alla önnina. Svo línuleg Algebra, falláfangi (enda kenndur bæði vor og haust), meðleinkunn var 4,3 og ég NÁÐI MEÐ 7. Var sem sagt einn af þeim 38 sem náðu af þeim 100 sem byrjuðu áfangann:-). Núna er það bara að bíða eftir Greiningu burðarvirkja, er ekki jafn bjartsýn þar, enda misskildi ég 20% spurningu og gleymdi svo að klára aðra...En sjáum hvað setur, tek þá bara endurtekningarpróf í ágúst. En á samt svo skilið á ná, er með um 8 í meðaleinkunn fyrir verkefni þannig ég kann efnið vel. Mætti svo ekki í stærðfræðigreiningarprófið, bara ekki búinn að vera nógu duglegur í henni undanfarinn mánuð, þannig ég gerðist kærulaus, læri hana bara í sumar.

2007-05-14T04:26:00.000Z

Svona á maður að gera þetta. Hafa húmor fyrir sjálfum sér.

Af kosningum o.f.l.

2007-05-12T20:09:00.000Z

Sumarið er komið, eins og skáldið sagði. Síðasta prófið gekk bara ágætlega, en mikið pirrar það mig hvað kennararnir eru slungnir að spurja um þau smáatriði sem ég var ekki 100% viss á (sem var nú ekki mikið), en maður nær þessu svosem, þótt ég hafi alveg verið dugló að læró, þá get ég gert mikið betur. Kaus áðan og ákvað mig í kjörklefanum. GAT bara ekki sett X við Árna Djónssen, það er bara eitthvað við samfylkinguna sem ég fíla ekki, örugglega samblanda af nafninu og merkinu þeirra (já ég veit, ég er málefnalegur), Frjálslyndir eru bara fyrir fólk sem býr út á landi (Selfoss er ekki út á landi), svo er merkið þeirra líka ljótt, og afhverju frjálslyndir?, mér finnst þeir ekkert vera frjálslyndari en aðrir. Vinstri grænir eru bara of neikvæðir fyrir mig, og þeir vilja hækka skatta, eitthvað sem ég vil EKKI, þótt Steingrímur sé minn uppáhaldsstjórnmálamaður, þá er hann ekki í framboði í mínu kjördæmi. Ég átti því bara um tvennt að velja, B og I, setti exið við B-ið núna, vegna Bjarna Harðar. Verð að viðurkenna að mér þætti það skoðandi að kjósa fremur um fólk en flokka.

2007-05-04T16:05:00.000Z

Fann eintakið mitt af WOW eftir margra daga leit, var meira að segja búinn að ásaka Heimi um að vera með hann. Freistingar í mínu lífi eru bara of margar um þessar mundir. Ég gæti laumast til að spila hann smá í dag, eða farið í sund og sleikt sólina, eða tekið því rólega og leigt mér spólu og pantað mér pizzu, en ætti í raun að vera undirbúa mig undir næsta próf sem er eftir viku, en vika er bara svo langur tími þegar maður er í prófum.
Hlaupin áðan gengu vel, þótt ég hafi farið jafn langt og síðast var þetta mikið erfiðara. Með þessu áframhaldi hleyp ég léttilega til hveragerðis í águst.

2007-05-03T12:48:00.000Z

prófið í dag var mikið erfiðara en ég bjóst við. Var búinn að reikna próf sem kennarinn hafði búið til í fyrra og það var ekkert mál. Geri ráð fyrir að ná, en þá verður það ekki með nema 5-u eða 6-u. En sjáum hvað setur, kannski gekk mér betur en á horfðist. Þoli ekki þegar kennarar koma með einhvern hrylling sem er ekki í neinu samræmi við það sem við vorum að gera alla önnina. En núna er það greining burðarvirkja eftir 7 daga. Byrja á því fagi á morgun.

2007-05-01T22:10:00.000Z

Jæja, fór út að hlaupa áðan, ætli ég hafi ekki verið í hálftíma, eða ég vona það alla vega, og haldiði ekki að kallinn sé allur að koma til. Formið er samt ekki komið og ég er ennþá í sýru allt hlaupið en get þó haldið haus. Fyrsta háskólaprófið á fimmtudaginn, smá spenna í gangi, en mér á örugglega eftir að ganga vel, búinn að kynna mér efnið vel í vetur, en kannski búinn að vera heldur slakur að læra undir sjálft prófið. Svo erum við fjölskyldan að ræða um að fara til danmerkur í lok Maí, með Norrænu og taka bílinn með. Keyra um danmörk og heimsækja ættingja. Það verður örugglega geggjað. Þangað til seinna.

2007-04-30T23:06:00.000Z

7 ára bið á enda.

2007-04-28T12:10:00.000Z

í gærkvöldi labbaði ég niður í sjónvarpsholið okkar og lagðist niður. Fullur slökunnar og friðar. Andaði djúpt og naut þess að hafa klárað öll verkefni dagsinns. Í von minni um skemmtilegt sjónvarpsefni og rólegt kvöld kveikti ég á sjónvarpinu. Og þá spurja sumir hvað hafi verið á dagskrá, hvað ákvað forstjórakallinn hjá skjá einum að sýna skuli þetta kvöldið á besta tíma? FÆÐINGU Á MANNSKEPNU! Barnið var um það bil að koma í heiminn þegar myndin kom á skjáinn hjá mér og aldrei á ævinni hefur mér brugðið jafn mikið, Fyrst trúði ég ekki alveg hvað ég var að sjá, horfði gjörsamlega stjarfur í nokkrar sek áður en ég gat ekki meir og hljóp að kassanum og slökkti. Þessi þáttur heitir víst "Fyrstu skrefin" og er einhverskonar barna-þáttur, þó ekki ætlaður börnum, eins og sást í gær. Nú mundu sumir segja: "Magnús minn, þetta er nú bara eðlilegasti hlutur í heimi, svona komst þú í heiminn". En mér er sama, get ekki ýmindað mér að nokkur vilji horfa á þetta, nema þá foreldrar barnsins (þó ég telji það líka ólíklegt). Næst geng ég úr skugga hvað er verið að sýna áður en ég opna sjónvarið.

LAUGARdagur

2007-04-28T11:24:00.000Z

Já það er ekki hægt að segja annað en það sé kominn laugardagur. Byrjaði daginn á að vakna snemma og vekja bræður mína, veit ekki alveg hvaða kendir ýta undir að ég vekji þá alltaf þegar ég vakna á undan þeim um helgar, veit fátt skemmtilegra en að hoppa upp í rúm hjá fólki og vekja það. Síðan fór ég út að hlaupa, og guð minn góður hvað ég þarf að hlaupa í sumar. Formið er bara farið, þannig ég fór ekki langt, bara 20 mín túr og svo beint í sund. Það má í raun segja að ég sé að komast í sumardúndrið, vá hvað það verður gaman að vera búinn í prófum, byrja hlaupa, vinna og spila WOW aftur. Svo fer ég kannski til útlanders, er einnig kominn með lubba, og það er óþolandi, lýður eins og Jón Ásgeir. Núna ætti ég að vera læra en ég er ekki alveg að fá mig til þess alveg strax, byrja eftir hádegi.

2007-04-23T14:40:00.000Z

Jæja, þá fer þessari skemmtilegu önn senn að ljúka, og þar af leiðandi próf on the next leiti. Alveg semi jákvæður gagnvart prófunum, meina næ alveg Línu, GreinBurð og TölTeikn, en ekki viss með StæGrein, eiginlega bara búinn að afskrifa hana, ætla einbeita mér að hinu og sjá svo hvað setur. Núna var ég að koma af enn einum grænmetisstaðnum sem mamma dró mig á, ég spurði hvort þeir væru með eitthvað kjöt inni á staðnum, skinkubita eða í raun bara eitthvað sem kom af einhverju sem hafði heila, Neipp ekki eitt gramm, þannig ég fékk mér eitthvað sem ég kann ekki að bera fram, svo sem ágætt á bragðið. Merkilegt hvað grænmeti getur verið gott ef það er meðhöndlað nógu mikið.

2007-04-14T23:48:00.000Z

Var að pimpa upp myspace-ið mitt. Eina sem mig vantar núna eru fleiri vinir, þannig allir að adda mér sem eru með myspace...

myspace.com/megnusmar

2007-04-13T14:37:00.000Z

mmmmm ekki þægileg nótt, reyndar alveg hræðileg bara. Ég byrjaði á því að fá að gista hjá ömmu og afa, sem var gott og blessað. Þegar ég kom svo heim frá Einari og Marie voru amma og afi sofnuð, þannig það var ekkert að gera nema toga svefnsófan út, en þá áttaði ég mig á því að ég þyrfti að taka svefnsófann inn í stofu til ég gæti opnað hann almennilega (þetta er ný íbúð og fluttningafólkið setti húsgögnin bara einhverstaðar), það tók ekki nema 15 mín með tilheyrandi svita. Þá hélt ég að björninn væri unnin og ætlaði ég að koma mér þægilega fyrir, en nei, sængurfötin, sængin og koddin sem amma lét mig fá voru öll út í einhverju gumsi sem ég vill ekki vita hvað var. Ég gat ekki notað fötin mín sem kodda né sæng því ég varð svo sveittur við að koma sófanum inn í stofu, þannig í góðmennsku minni vöðlaði ég saman dagblöðum í bónuspoka og notaði sem kodda, svo tók ég handklæði og notaði það sem sæng. Svo þegar ég var loksins búinn að koma mér fyrir í fósturstellingunni kófsveittur í svefnsófanum á brókinni einum fata, með dagblöð undir höfðinu og handklæði ofan á mér byrjaði afi gamli að hósta upp úr svefni, hann hætti ekki að hósta fyrr en hann vaknaði morguninn eftir:-)

2007-04-07T05:19:00.000Z

Mamma og Pabbi fóru og komu frá færeyjum, það er víst voða gaman þarna og þeim langar að fara aftur í sumar. Komu með færesku dagblöðin heim til að við getum hlegið okkur í svefn næstu daga, mjög fyndið og áhugavert að lesa þau, maður skilur alveg 90%. Það áhugaverða er samt að við íslendingar höfum alltaf horft á færeyinga sem smá kjána, svona eins og þegar smábarn segir eitthvað, þá hugsar maður bara: "hehe þú ert nú meiri kjánin". Þetta er nátturulega túngumálinu þeirra að kenna, en það sem ég vissi ekki er að Færeyjingar horfa einnig á íslendiga sem "Smá kjána" og finnst alveg rosa fyndið að heyra okkur tala saman. Svo skal viðurkenna það fúslega að ég er ekki búinn að vera nógu duglegur að læra í páskafríinu, ohh well kannski þarf ég bara á hvíld að halda. Er t.d. búinn að snúna sólarhringnum alveg við, enda klukkan að verða hálf 6 og ég bara að skoða bloggsíður og blogga, ekki vitund þreittur, B manneskja hér á ferð. Hef svo mikið um að hugsa á kvöldin að ég finn varla tíma til að sofa:-)

2007-03-31T20:16:00.000Z

Ég og mamma vorum að tala um fóbíur, hún tjáði mér að hún hafi eitt sinn verið með fóbíu fyrir kóngulóm en hafi svo sigrast á hræðslunni með að gera þær að vinum sínum. Núna er hún bara hrædd við ísbirni af því eitt sinn réðst ísbjörn á nokkra frændur hennar, tja ætli þeir séu ekki frændur mínir líka, ég spurði hvort hún ætli ekki að gera þá (ísbirnina) líka að vinum sínum svona fyrst þeir séu að deyja út, en hún var ekki viss. Páskafrí í næstu viku, svo smá skóli, svo próf og svo sumar. Þetta er ekki lengi að líða. Og til ykkar sem eruð að leita af skemmtilegum lögum til að hlusta yfir námsbókunum, eða einhverju öðru, þá mæli ég með Mika, geggjaður.

Besti Kaffibolli minnar ævi

2007-03-13T17:49:00.000Z

Ái hvað ég var að drepast í morgun, sjaldan eða aldrei verið jafn þreyttur. Fór þess vegna á þjóðarbókhlöðuna í leit að kaffi, kom ég ekki upp á svona exspressó dæmi. Pantaði þrefaldan og saup, ógeð á bragðið en, 5 tímum síðar, ég er ennþá vakandi, glaðvakandi. Aldrei hefur kaffi haft jafn góð áhrif á mig og þess vegna vart þetta besti kaffibolli minnar ævi.

2007-03-10T01:29:00.000Z

Shiiiii var nýja myndin með Eddi M var leiiiiðððinnleg, minnti mig frekar mikið á Big Momma's House eða hina myndina, man ekki hvað hún heitir, grínmynd um einhverja gamla konu sem er leikinn af karlmanni, sem er einmitt líka höfundur handritsins og leikstýrir henni líka. Ég vil setja þessar þrjár myndir í sérstakan flokk í kvikmyndasögunni. "Gamlar-konur-leiknar-af-karlmönnum-myndir". Stundum skil ég bara ekki bandaríkjamenn, gaurinn sem lék gömlu konuna í myndinni sem ég man ekki hvað heitir, kom í Opru og var að segja frá hvað myndin hans væri frábær og Opra var að tala um hvað myndin væri ógeðslega fyndin, frumleg og vel leikin. Svo bað hún hann um að fara með einhverja setningu úr myndinni, sem var ekki neitt fyndin, og allir dóu úr hlátri, sumir grétu af gleði. og það eina sem hann sagði var "úuuuuuu....I´m a oooooollldd lady!". Ég grét með þeim, en ekki gleðitárum. Ég sá þessa mynd um daginn og þá endalega skildi ég ekki bandaríkin, án efa leiðinlegasta mynd sem ég hef horft á, og óhemju óleikinn mynd. Hvað gerðu bandaríkin, jú þeir bjuggu til framhaldsmynd.

Sem mininr mig á að ég ætla horfa á FGump á morgun, það er sko góð mynd.

2007-03-04T16:44:00.000Z

OK Svana, ég hef bara svo mörgum hnöppum að hneppa. Bloggið hefur þess vegna orðið soldið úti, en núna er það 3x færslur á viku, hið minnsta. (Og fyrir áhugasama er ég kominn með síma aftur, endilega sendið SMS á númerið 6901938 með nafni til ég geti haft ykkur í símaskránni minni)
Ég er stundum að læra á þessaðri blessaðri bókahlöðu, er alltaf þar sem tölfurnar eru á 2. hæð. og það er alltaf sama fólkið þarna dag eftir dag. Það er nánast hægt að segja að maður eigi sér sinn stað og kannist við flesta sem eru þarna. Einnig er nánast óþægileg þögn á þessum stað, og allir voðalega sokknir, hver í sína bók. En þar sem ég stend oft upp til að teygja á táslunum mínum veit ég að þeir sem eru með ferðatölfur með sér (sem eru flestir) eru bara á MSN og lesa á milli þess sem hinn aðilinn er að skrifa til baka. Svo gafst ég upp á Strætó. Ég geng núna heim úr skólanum, þótt það taki mig hátt í klukkutíma. Það tók mig hvort sem er allt frá 30 til 45 mín að taka strætóinn heim þannig að ég er ekki að missa af miklu, hvað tíma varðar. Svo er ekki það mikið eftir af þessari önn, ég er í prófum 3, 11 og 14 Maí, sennilega besta próftafla allra tíma, veit um fólk sem er í þrem prófum á þrem dögum...En þangað til seinna

2007-02-18T01:49:00.000Z

bíddu, núna veit ég ekki alveg hvað ég á að gera sko. Ég fór inn á þetta myspace dæmi, og fyllti út fullt af formun og allt það, en var ekki beðinn um að velja mér neitt sérstakt notendanafn...Þannig núna er ég Mr.159805608 á myspace, átti maður ekki að geta valið þetta eittvað?

http://www.myspace.com/159805608

2007-02-18T01:11:00.000Z

Jæja, ætli maður verði ekki að fullnýta daginn á morgun undir lærdóm. Gerði lítið í dag, en ætlaði að gera mikið. Þið vitið hvernig þetta er, maður er duglegur við að finna sér eitthvað að gera þegar maður á að vera gera eitthvað allt annað. Kýkti á Rocky áðan og hún var svo sem ágæt sem Rockymynd, en að sjá Stalón gráta er eitthvað sem ég hélt ég mundi aldrei sjá. Hann lék það svo hræðilega að maður grét með honum. En Rockylagið og allt það kveikti í manni, ég ætla alla vega að finna mér tíma til að fara út að skokka á morgun með lagið í ipodnum. Sem minnir mig einmitt á það hvað ég er ekki búinn að hreyfa mig í langan tíma, en á morgun byrjar það, sleppi því að horfa á sjónvarpið í bænum og fer út að hlaupa í staðinn. Ekki hafa hátt um það en ég held við séum að tala um 3 kíló eftir að ég "flutti" í bæinn, og það í plús. Annars er skólinn alveg að gera sig, stægreiningin er sick erfið og hitt lala, er samt bara í 12 einingum en hef nóóóg að gera, hvernig verða þá 15 einingar á næstu önn?

2007-01-28T23:11:00.000Z

Já það er sko mikið að gera hjá mér. Er að byrja hreyfa mig aftur á morgun, þetta snýst allt um að skipuleggja sig vel. Vakna 07:00 skóli til 13:00, þjóðarbókhlaða til 18:00, hreyfing til 19:00, matur 19:30, sjónvarp og slökun til 20:30, lærdómur til 22:00. Sofa 22:10. Svona verða næstu dagar og vikur, ætla ekki einusinni að koma heim um næstu helgi. Ég bara nýti ekki tímann hérna heima nógu vel, geri það örugglega betur í bænum. En annars er háskólalífið að venjast, og þótt mér gangi "allt í lagi" þá gæti gengið betur í stærfræðigreiningu, hin fögin eru skárri, og skemmtilegri. Er farinn að huga að sumarvinnu, sundlauginn kallar, en maður er yfirleitt búinn um hádegi hjá póstinum...Allt spurning um hvort ég vilji eiga pening eða tíma í sumar. Kannski er tími verðmætari. Síminn minn er ennþá dáinn og jarðaður, ætlaði að kaupa nýjan í dag en fann mig ekki knúinn til þess. Kannski í næstu viku, hver veit....

2007-01-16T19:11:00.000Z

Hey, hvað með að stofna nýja sjónvarpsstöð sem sérhæfir sig í að fjalla um Birgið til þess að við hin sem höfum bara ekki áhuga á Birginu og málefnum þess getum horft á fréttirnar?

2007-01-16T18:16:00.000Z

Jæja, klukkan 18:15 og ég var að koma heim úr skóla lífsins, eins og ég kýs að kalla hann. Ég er ekki farinn að geta setið í klukkutíma við lestur án þess að standa upp, en það kemur vonandi. Þarf alltaf að standa upp á 20 til 30 mín fresti og labba um bókasafnið og slaka á. Ég er, svo ég viti til, sá eini sem gerir þetta af þeim eru eru þarna inni á daginn, sem mér finnst skrýtið. Ég komsta annars í bobba í dag þegar ég var að skila dæmum í læst hólf hjá kennara. Reyndi að kýkja inn um gatið á hólfinu (smá rifa) til að sjá hvernig hinir hefðu tæklað dæmin, hefði alveg gengið ef hólfið hefði ekki verið 10 sm frá gólfinu og ég ekki þurft að vera á fjórum fótum með nefið nánast inni í rifunni, einnig hefði verið hentugt ef kennarinn hefði ekki komið að mér á meðan ég var að framkvæma þetta allt saman. En sem betur fer er hann léttur í lund og fannst þetta bara skondið:-D

2007-01-14T11:25:00.000Z

Gaman að sjá myndina af okkur Hjalta þegar við erum að afhenda Laufey málverkið sem við máluðum handa henni. Okkur finnst þetta svo fyndið, enda málverkið sorglega ljótt og allt of stórt til þess að fólk geti haft það á stað sem lítið ber á. Hvar ætli þetta málverk endi í framtíðinni? Sé Laufey ekki fyrir mér henda því. Lalli vildi hengja það upp í stofunni en Aldís tók það ekki í mál. Niðurstaða: Lalli er húmoristi og Aldís er skynsöm

Muniði eftir því þegar ég skrifaði um Duran Duran gaurinn? Alla vega, hann las það sem ég skrifaði og sárnaði eitthvað. Ég las það aftur yfir og fannst það alls ekki móðgandi, enda var áætlunin alls ekki að særa einn né neinn. Mér finnst hann bara fyndinn gaur sem ég væri alveg til í að kynnast. þannig ef þú ert að lesa þetta kæri Duran Duran, þá byðst ég afsökunnar...

2007-01-10T13:49:00.000Z

Núna veit ég hvar gamla fólkið heldur sig þegar það er ekki í strætó, sundi eða að horfa á spaugstofuna. Það er auðvitað á þjóðarbókhlöðunni. Hérna er allt morandi í þessu (gömlu fólki) og ekki sýnist mér það vera gera eitthvað sérstakt. Gengur milli bókahillna og skoðar, situr með tímarit og les. Svo er alltaf hópur í matsölunni. það mætti segja að aldur þeirra sem sækja hingað, strankt til tekið sé frá 18 upp í 27 og svo frá 67 og upp úr. Annars er ég geðveikt duglegur eftir að ég gerðist háskólamaður, ég vaknaði t.d klukkan 7 í morgun, þótt ég þyrfti ekki að mæta fyrr en 11:40. Mættur upp á bókasafn klukkan 10:00. Fer að sofa um 23 á kvöldin...Annars er ég farinn að læra

2007-01-09T21:46:00.000Z

Klukkutími og korter tók mig að taka strætó frá Hí og heim til afa og ömmu, ég hefði gengið þetta á klukkutíma. Annars eru fyrstu dagarnir sem verkfræðinemi búnir að vera skemmtilegir. Þetta er ekki alveg komið á fullt en maður fer nú samt upp á bókasafnið og lærir þangað til það lokar eftir skóla, sem er búinn um hádegi á má, þri og mi. Þetta er mjög erfitt en þó skemmtilegt. Svo lærir maður eftir kvöldmat þangað til maður nennir því ekki lengur svona 10. Sumir kennarnir eru samt ekki alveg að átta sig á því að maður var bara að byrja því í greiningu burðarvirkja talaði kennarinn um hvað við værum öll orðin góð í forritun eftir síðustu önn og hann ætlaði að hafa eitthvað þannig verkefni í áfanganum. Það verður skemmtilegt að sjá hvað kemur frá mér þá...Ég ætla pottþétt að koma heim um helgar, því maður saknar sundlaugarinnar og náttla Pulló. Markið annarinar er að ná öllu, og helst að ná því eins og Gummi matt gerði, 8 í meðaleinkunn.

2007-01-06T06:24:00.000Z

Klukkan er hálf sjö að morgni 6 janúar og Magnús er vakandi. Er kominn með allar bækurnar og byrjaður að lesa í sumum þeirra. Meira að segja búinn með tvö kafla í Calculus-A complete course og þar með ekki alveg jafn stressaður fyrir þessu öllu saman. Ég verð sem sagt hjá ömmu og afa þangað til í Mars, svo fer ég...eitthvert. En það bjargast. Hélt smá partí áðan og það tóks vel, fékk flottar gjafir og allt. Það var orð á mönnum að þetta hefði verið mjög sérstakt partí þar sem við byrjuðum á því að drekka heitt kakó og borða súkkulaði kökur, síðan í sund, og svo Pizza og spjall inn í stofu. Þetta tók um 7 tíma. En núna veeeerð ég að fara sofa, búinn að snúa sólarhringnum aftur við.

Nokkrir þeirra sem mættu.

2007-01-04T03:27:00.000Z

Þetta myndband er það fyndnasta sem ég hef séð.

2007-01-04T01:56:00.000Z

Hef verið að stúdera nýju stundatöfluna mína. Ég er bara í tveim tímum á Mán og einum á Þri. Gamanið heldur áfram á Mið því þá er ég, you guest it, einum tíma. Ég verð svo að halda vel á spöðunum á Fim því þá er ég í heilum þrem tímum:-O. Svo eru það aftur tveir tímar á FÖ. En þetta eiga víst bara að vera drög þannig ég er ekki farinn að hoppa hæð mína ennþá. En þetta verður erfitt, það veit ég.
Svo náði ég að snúa sólarhringnum aftur við (Hann er sem sagt orðinn réttur aftur, eða næstum)

2006-12-31T18:07:00.000Z

Því miður fellur Magnúsinn niður í ár. Ég bara stein gleymdi þessu í allri ösinni milli jóla og nýárs. Þannig þið eruð bara...öll sigurvegarar.
Takk fyrir gamla árið, þó það sé nú kannski ekki beint gamalt, ekki nema eins árs, og sjáumst hress á því nýja

Kveðja Magnús Littli.

2006-12-29T23:01:00.000Z

Vil ekki koma þakkar orðum til fjölskyldu Hjalta. Mér var boðið til þeirra í gær í afganga, sem voru góðir meðan ég rendi þeim niður, en því miður runni þeir aðeins of vel, enduðu með að renna bara alla leið og út. Var að drepast í nótt og er ennþá með beinverk og höfuðverk. Ég mætti þó með höfuðið hátt til vinnu í dag með einkunnarorðin "Ég skal hvergi bugast". Svo er ég líka kominn með stíflu í nefið, en sem betur fer er það bara smástífla, enginn káranhjúka sko.

2006-12-28T23:50:00.000Z

Núna sést littli bróðir ekkert heima vegna konunar. Svo var Heimir sundlaugavörður líka fá sér konu, ætli ég sé ekki búinn að taka um 8 vaktir fyrir hann í desember af því hann er alltaf að skjótast þetta og hitt með henni. Ég er því mjööög sáttur með hlutskipti mitt sem "The Bacelor", og þess vegna með frítíma sem ég get gert hvað sem mig lystir með. Núna er ég til dæmis að færa 200 klukktíma af tónlist af lappanum mínum yfir á borðtölvuna, á eftir ætla ég kannski að fara og horfa á LOTR III og í morgun vaknaði ég um 10 og rann í bæinn að ná í tölvuna, fór meira segja og fékk mér að borða og fékk að velja staðinn alveg sjálfur. Eitthvað sem Kolbeinn og Heimir sundlaugavörður eiga aldrei eftir að upplifa aftur.

2006-12-27T04:33:00.000Z

Eftir að bloggerinn var uppfærður hef ég átt í vandræðum með að skrifa. Vona þetta sé í lagi núna. Jólin komu eins og alltaf og ég fékk gjafir. Ég var ánægðastur með það sem ég gaf sjálfum mér, allar LOTR myndirnar. Er búinn með I og II, tók 8 tíma! Klára III 31 des. Fékk enga bók, hef viljað fá The World of karl Pilkington, kannski maður panti sér hana af Amazon þegar launin koma í janúar. Annars hef ég eitt síðustu dögum í að hlusta á útvarpsþátt sem heitir The Ricky Gervais Show, ógeðslega fyndið. Getið fengið 3 þætti frítt hérna ef þið hafið áhuga.

2006-12-20T03:21:00.000Z

Hérna er smá grein um hann Gunnar sem ég skrifa›i fyrir spekingaspjalli› (bla› um alla ﬂá sem útskrifast úr F.SU)

Gunnar sigfús er merkilegur ma›ur a› mörgu leiti. Fyrir ﬂa› fyrsta er hann tvíburi. Hann á sem sagt bró›ur (Einar) sem lítur næstum alveg út eins og hann. ﬂetta olli mér miklum vandræ›um fyrst ﬂegar vi› fórum a› stinga saman nefjum. Hvorn átti ég a› velja sem vin› Gunnar e›a Einar› Ég gat au›vita› ekki vali› á milli og valdi ﬂví bá›a. Einar dó reyndar í fyrra ﬂegar hann reyndi vi› heimsmeti› í 1450 metra hlaupi aftur á bak og án ﬂess a› anda. Blessu› sé minning hans. Í ö›ru lagi er hann er líka frekar lítill mi›a vi› stær›. ﬂannig er mál me› vexti a› hann Gunnar er stór persóna í littlum líkama og lætur fötlun sína sem dvergur ekki sö›va sig, hann er ﬂví okkur öllum hvatning. Hann gengur yfirleitt í í›róttafötun og er ﬂví einskonar í›róttaálfur, bara minni.
Gunnar er alltaf tilbúinn í sprelli›, hvort sem ﬁa› er a› ganga hálf nakinn um ganga skólans me› fána á kátum dögum e›a framkvæma gjörninga í Kringluni. Gunnar er líka fyndin og kemur oft me› ótrúlega vonlænera í anda augnabilksins. Ef honum væri bo›nar 1000 krónur fyrir a› ganga kringum landi› í engu ö›ru nema óge›slega ljótum gluggatjöldum, mundi hann örugglega gera ﬂa› af ﬂví hann er sprellari, eitthva› sem vi› hin ættum a› taka okkur til fyrirmyndar. Vi› höfum sprella› miki› í gegnum tí›ina og eru ﬂa› ófáar stundirnar sem vi› gátum ekki anda› fyrir hlátri. ﬂa› er nefnilega svo gaman a› hlægja me› Gunnari og byrtir alltaf yfir mér og ö›rum ﬂegar sólheimaglotti› á honum kemur fram, ﬂetta eina sanna sólheimaglott sem vi› ﬂekkjum öll svo vel. Ef ég ætti a› spá fyrir um framtí› Gunnars ﬂá mundi ég bara búa eitthva› til af ﬂví a› ég er ekki skyggn. En ég ætla samt a› giska á a› hann muni starfa vi› eitthva› tengt íﬂróttum, íﬂróttakennari, jafnvel vi› ﬂennan skóla, hver veit? (greinilega ekki ég af ﬂví a› ég er ekki skyggn). ﬂa› er mikill missir fyrir F.su a› missa Gunna (e›a Gunna Gunn eins og ég kalla hann). Hann er or›inn einskonar stofnun innan skólans, alltaf til sta›ar á Eyrabakkasvæ›inu, alltaf me› húfuna sína og sólheimaglotti›. Vonum a› hann snúi til baka sem íﬂróttafræ›ingur og kenni framtí›arnemendum skólans hvernig hægt er a› hafa gaman af hlutunum. Mér finnst ﬂa› liggja beinast vi› a› skólayfirvöld reisa honum styttu fyrir utan skólan, jafnvel úr brons, skreitt e›alsteinum, honum til hei›urs. Anna› væri fásinna.

2006-12-15T01:26:00.000Z

Aldrei hef ég séð jafn ákveðna námsmenn eins og foreldra mína. Þau sitja við allar stundir, lesa og glósa. Þetta hefur haft þau áhrif á heimilishaldið að í kvöld sá ég aðalega um kvöldmatinn og á matseðlinum voru pulsur og kartöflusalat, en mér til málsbóta skar ég niður ferskan lauk, eitthvað sem er sjaldan gert þegar við eldum pulsur.

2006-12-14T01:48:00.001Z

Ég las það einhverstaðar að þetta snérist allt um "First impressions" þegar kemur að því hvaða mynd fólk fær af manni. Núna er littli bróðir kominn með einhverja gellu og er ég að íhuga þessa daganna hvað ég eigi að gera þegar ég hitti hana "loksins". Ég vil koma út sem hálfgeðveikur og með áráttuhegðun, eða öllu heldur vil ég láta littla bróður skammast sín fyrir mig:-) Kynna sjálfan mig sem Guðrúnu? Koma hlaupandi prumpa á hana og hlaupa svo í burtu?. Læra einhverja setningu aftur á bak eins og "hæ, ég er Magnús, bróðir Kobba" og fara með hana áfram og aftur á bak, ganga svo aftur á bak út úr herberginu í öfugum fötum? Hef verið að bíða eftir þessu tækifæri í 20 ár

Annars skrap ég með Heimi og skoðaði Ketti í dag, hann er eitthvað að spá í að fá sér svoleiðis. Man ekki hvað tegundin heitir, en hún lítur út alveg eins og blettatígur. Flottustu kettir sem ég hef séð, enda kosta þeir sitt. Kannski býður hann með þetta, kannski ekki.

2006-12-13T02:17:00.000Z

Ég er farinn að sofa fram yfir hádegi á daginn. Það er væntanlega afleyðing þess að hanga yfir skjánum á nóttunni og horfa á gamlar kvikmyndir. En það er nú samt ekki eins og ég geri ekki neitt á daginn, gerði meira að segja heiðarlega tilraun í gær til þess að fara út að skokka. Endaði með löngum göngutúr og ljúfra tóna í boði Cranberries, Queen og Apple. Ég var svo plataður í að keppa í sundi áðan, synti 50 flug á einhverju HSK móti. Mér fannt það gaman, svo var ég líka ræsir. Undanfarið hef ég alltaf verið beiðin um að ræsa á þessum littu mótum. Ég veit að ég er örugglega einn versti ræsir allra tíma, en ætli ég sé ekki sá eini sem nennir eða "getur" þetta. Maggi Tryggva þurfti meira að segja að hnippa í mig áðan til að minna mig á að það væru 150 manns að býða eftir því að ég sæi mér fært um að ræsa littlu krýlin, ég var þá í mínum eigin dagdraumi.

2006-12-08T15:31:00.000Z

Ég var lítið sofinn, fór upp í rum um 6, með fullann haus af formúlum og skylgreiningum. Var ekki búinn að fara í sturtu í 3 daga, og það sást. Ég var með það fitugt hár í prófinu að ég fór í úlpu með risa hettu til að fólk þyrfti ekki að horfa upp á þetta. Prófið var svo alltof létt. Kennarinn reyndi ekki einu sinni að villa fyrir manni, sem er gott. Fór svo í dýrindis langa sturtu með mikið af sápu eftir prófið. Núna hef ég sem sagt allann tímann í heiminum, þannig ef þú þarft einhvern til að skjótast út í búð eða kaupa í matinn, þá skal ég gera það með glöðu.

2006-12-08T05:11:00.000Z

Hversu skelfilegt (og fyndið líka) ætli það sé að hlaupa á klóstið, alveg að gera í buxurnar, og gleyma svo að girða niðrum sig...